RANT múshesi Arman Qýanyshbaev Elordaǵa keldi (FOTO)

QMDB janynan qurylǵan Respýblıkalyq aqparattyq-nasıhat tobynyń múshesi, elimizge belgili dintanýshy ǵalym Arman Qýanyshbaev búgin Nur-Sultan qalasyna at basyn tiredi. Resmı issapar aıasynda ýaǵyzshy ǵalymnyń birneshe kezdesýler ótkizip, Elorda meshitteriniń jamaǵatymen júzdesýi josparlanǵan.

RANT múshesiniń qulshylyq ordalaryndaǵy kezdesýi «Yryskeldi qajy» meshitinen bastaldy. El astanasynyń ajaryn arttyryp, óziniń aıryqsha sáýletimen erekshelengen qulshylyq ordasyna besin namazynan soń bas suqqan ǵalym jamaǵatpen júzdesip, «Hanafı mázhabynyń mańyzdylyǵy» taqyrybynda tushymdy ýaǵyz aıtty. Kezdesý sońynda RANT múshesine jamaǵat tarapynan suraqtar qoıylyp, tolyqqandy jaýaptar berildi.

Aıta keteıik, bekitilgen jospar boıynsha ǵalym Arman Qýanyshbaev qasıetti juma kúni respýblıkalyq «Áziret Sultan» meshitinde juma ýaǵyzyn júrgizip, ekinti namazynan soń «Nur-Astana» meshitiniń jamaǵatymen júzdesetin bolmaq.

Sýretter toptamasyn «FOTOGALEREIa» aıdarynan kóre alasyzdar!