RANT MÚShESI ASTANA MEShITTERINDE KEZDESÝLER ÓTKIZDI (FOTO)

Astana qalasyna resmı issaparmen kelgen QMDB RANT múshesi Nuráli Baqytuly ótken aptada birqatar kezdesýler ótkizip, Elorda jamaǵatyna ýaǵyz-nasıhat jumystaryn júrgizdi. «Hıbattýla Tarazı» Ortalyq meshitiniń naıb ımamy, áıgili ál-Azhar ýnıversıtetiniń túlegi Nuráli Baqytuly birneshe meshit jamaǵatymen júzdesip, «Astana» medrese-kolledjiniń stýdentterine dáris oqydy.

Atap aıtqanda, belgili dintanýshy ǵalym «Ál-Ǵanı» meshitinde «Jamaǵat yntymaǵy men aýyzbirshiligi» taqyrybynda, «Ǵylmanı» meshitinde «Hanafı mázhaby» týraly, «Aqmeshit» meshitinde «Otbasy tárbıesiniń mańyzdylyǵy» jóninde, «Raısa ana» meshitinde bilim alýǵa qushtarlyq haqynda tushymdy ýaǵyzdar aıtyp, jamaǵat bilimin arttyra tústi. Sondaı-aq, juma kúni «Yryskeldi qajy» meshitinde juma ýaǵyzyn aıtyp, jamaǵat yqylasyna bólendi.