Ravıl Gaınýtdın quttyqtaýyn joldady (FOTO)
Elordada Qazaqstan musylmandary dinı basqarmasynyń uıymdastyrýymen el táýelsizdiginiń 30 jyldyq mereıtoıyna oraı ótip jatqan «Táýelsiz Qazaqstan jáne Islam qundylyqtary» taqyrybyndaǵy halyqaralyq ǵylymı-tájirıbelik konferentsııada Reseı musylmandary dinı basqarmasy jáne múftıler keńesiniń tóraǵasy Ravıl Ǵaınýtdın onlaın qatysyp, baıandama jasap:
«Búginde musylmandardyń rýhanı ómiri, meshitter men aǵartý oshaqtarynyń, dinı oqý oryndarynyń úılesimdi jumysy qazaq qoǵamynyń rýhanı damýyna áser etti.
Ar-ojdan bostandyǵy men dinı senim erkindigi Qazaqstan Respýblıkasynyń Zańymen qamtamasyz etilgen jáne qorǵalǵan, eń bastysy, dinı jáne rýhanı ómirdi, dinı ilim men aǵartýshylyqty damytý úshin barlyq jaǵdaı jasalǵan. Táýelsizdik jyldarynda Qazaqstanda kóptegen jańa Islam oqý oryndary men medreseler ashyldy, myńdaǵan meshitter salyndy, jas ǵalymdardyń tutas býyny daıarlandy. Osy oraıda egemendiktiń arqasynda Qazaq eliniń rýhanı ómiri odan ári órkendeı bererine senim bildiretinimdi jetkizgim keledi. El táýelsizdigi tuǵyrly bolsyn!» degen júrekjardy lebizin jetkizdi.
