RESPÝBLIKA KÚNI QUTTY BOLSYN!

Naýryzbaı qajy TAǴANULY,

Qazaqstan musylmandary dinı

basqarmasynyń tóraǵasy, Bas múftı 

Qadirli otandastar!

Barshańyzdy ulttyq merekemiz – Respýblıka kúnimen shyn júrekten quttyqtaımyn! Ár otbasyǵa birlik pen bereke, qýanysh pen mereke tileımin!

Respýblıka kúni – rýhymyzdy kóterip, egemen eldiń eńsesin tikteıtin sát. Bul ýaqytta óskeleń urpaqty ultjandylyqqa, otanshyldyqqa tárbıeleýdiń mańyzy zor. Óıtkeni egemendik – el úshin janyn bergen erlerdiń erligimen kelgen uly kún. Ony búgingi urpaq umytpaýǵa tıis.

Otandy súıý tek sózben emes, naqty ispen kórinýi kerek. Aqıyq aqyn Muqaǵalı Maqataev:

«Ońaı sóz ǵoı Otandy súıem degen,
Ne tyndyrdyń «basymdy ıemmenen»?
Ońaı sóz ǵoı, qurbym-aý, ońaı sóz ǵoı
Otan úshin ólemin, kúıem degen» dep jyrlaıdy.

Asyl dinimiz Islamda bes nárseni qyzǵyshtaı qorǵaý mindetteledi. Olar – Otan, din, uıat, jan, dúnıe. Osy qundylyqtardy qorǵaý jolynda qaıtys bolǵandar tipti sheıit sanalady. Alla Taǵala elimiz ben jerimiz úshin sheıit bolǵan ata-babalarymyzdy raqymyna bólegeı.

Egemen elimizdiń bolashaǵy jarqyn, táýelsizdigimiz baıandy bolǵaı. Áýmın!