RESPÝBLIKA KÚNINE ORAI 35 OTBASYǴA QAIYRYMDYLYQ KÓMEK KÓRSETILDI

25 qazan – Respýblıka kúnine oraı «Áziret Sultan» meshitiniń uıytqy bolýymen «Ar-Rahman» meshitinde 35 otbasyǵa qaıyrymdylyq kómegi kórsetildi.

Igi bastama aıasynda jalpy quny 1 mıllıon teńgeni quraıtyn azyq-túlik qorjyndary muqtaj otbasylarǵa tabystaldy.

Ulttyq mereke qarsańynda otbasylarǵa Qazaqstannyń kók týy, «Qazaqstan» shokolady jáne azyq-túlik salynǵan qorjyndar berildi. Is-shara barysynda jınalǵandarǵa merekelik quttyqtaý aıtylyp, eldiń amandyǵy men táýelsizdiktiń tuǵyrly bolýyn tiledi. Igi iske úles qosqan azamattarǵa alǵys aıtylyp, qaıyrly amaldarynyń qabyl bolýyna duǵa jasaldy.

Qaıyrymdylyq sharasy muqtaj jandarǵa qoldaý kórsetip qana qoımaı, ulttyq merekeniń mánin dáriptep, qoǵamdaǵy janashyrlyq pen ózara kómektiń mańyzyn arttyrýǵa baǵyttalǵan.