RESPÝBLIKALYQ BAS MEShITKE AVTOBÝS QATYNAIDY (FOTO)
Elorda turǵyndary úshin jaǵymdy jańalyq! №43 avtobýs baǵytyn ózgertip, Máńgilik El dańǵylyndaǵy jańa meshitke deıin qatynaıdy. Bul týraly qalanyń qoǵamdyq kólikteri qyzmetine jaýap beretin «City Transportation Systems» kompanııasynyń baspasóz qyzmeti habarlady.
«27 tamyzdan bastap kóliktik qyzmet kórsetýdi jaqsartý maqsatynda №43 baǵdardyń qozǵalys syzbasyna ózgerister engiziletinin habarlaımyz. Endi baǵdar Máńgilik El dańǵylyndaǵy jańa meshitke deıin júretin bolady. Ózgergen qozǵalys syzbasymen sýretten qarap tanys bola alasyzdar» delingen baspasóz habarlamasynda.
