RESPÝBLIKALYQ BAS MEShITTE RÝHANI SEMINAR ÓTTI (FOTO)
QMDB bekitken «Islam jáne izgi qoǵam» jyly aıasynda elordadaǵy respýblıkalyq Bas meshitte Astana men Shymkent qalalary ókildikteriniń tájirıbe almasýy maqsatynda «DIN MEN DÁSTÚR TAǴYLYMY» atty rýhanı semınar uıymdastyryldy.
Tuńǵysh ret uıymdastyrylǵan rýhanı semınarǵa Astana qalasynyń bas ımamy Erbolat Júsipov, Shymkent qalasynyń bas ımamy Baqdáýlet Abdrahmanov, QMDB janyndaǵy Respýblıkalyq bas meshit ımamy Qanat Qydyrmın, dástúrtanýshy-magıstr Muhamedjan Estemirov jáne qos shahardaǵy Áıel-qyzdar sektory men «Ájeler» mektebiniń músheleri qatysty.
Semınardy Astana qalasynyń bas ımamy Erbolat Júsipov ashyp, QMDB Tóraǵasy, Bas múftı Naýryzbaı qajy Taǵanulynyń rýhanı semınar jumysyna sáttilik hám quttyqtaý sálemin jetkizdi.
Osydan keıin, qos shahar bas ımamdary men «Ájeler» mektebiniń músheleri kezek-kezegimen sóz sóılep, dástúrimizge qatysty túrli taqyryptar boıynsha oılary men usynystaryn ortaǵa saldy.
Munymen qatar, basqosý aıasynda Shymkenttik ájelerimiz dástúge sáıkes elordaǵa toıbastar, shashý retinde syı-sıaıpat, tartý-taralǵylarymen kelip, dástúrimizdi erekshe jańǵyrtty. Joǵary deńgeıde ótken rýhanı semınar sońynda qos taraptan kelgen qatysýshylarǵa sertıfıkat tabystaldy.
Aıta ketsek, shara barysynda QMDB «Darhan dala» otandyq týrızmdy nasıhattaý boıynsha delegat músheleri elordanyń kórikti oryndary men murajaılaryn aralap tamashalady.
