Respýblıkalyq «Qaıyrymdylyq kerýeni» konkýrsy bastaldy

02 qarasha 2018 6065 0
Оqý rejımi

Astana qalasynyń ortalyq kommýnıkatsııalar qyzmetinde respýblıkalyq «Qaıyrymdylyq kerýeni» konkýrsynyń bastalǵanyn habarlaıtyn brıfıng ótkizildi.

Konkýrsty «Habar» jáne «KTK» telearnalarynyń qoldaýymen QR Tuńǵysh Predıdenti Qory men Qazaqstannyń isker áıelder Assotsıatsııasy uıymdastyrýda.

Konkýrstyń maqsaty – qaıyrymdylyq ıdeıalaryn dáripteý, belsendi azamattyq bastamalardy damytý.

Brıfıng kezinde Qazaqstan Respýblıkasy Tuńǵysh Prezıdenti – Elbasy Qory atqarýshy dırektorynyń orynbasary Sultan Aıtjanov:

«Bul aktsııa-konkýrsty uıymdastyra otyryp, bir jaǵynan biz aldymyzǵa muqtaj jandarǵa kómektesetin, qaıyrymdylyq is jasaıtyn adamdardy tanymal etý mindetin qoıamyz. Ekinshi jaǵynan jas urpaqty qaıyrymdylyq pen izgiliktiń jarqyn úlgisi arqyly joǵary adamgershilik normalar men ustanymdarǵa tárbıeleýge yqpal etemiz», - dep atap kórsetti.

Konkýrsqa áleýmettik, qoǵamdyq problemalardy sheshýge úles qosyp, óziniń qaıyrymdylyqtary arqyly basqalardy yntalandyryp júrgen jeke jáne zańdy tulǵalar qatysa alady.

Qazaqstannyń isker áıelder Assotsıatsııasynyń Prezıdenti Raýshan Sársembaeva elimizdiń barlyq óńirlerinde 2018 jyldyń qarashasynan 2019 jyldyń aqpanyna deıin konkýrsqa qatysýshylardy anyqtaý jumystary júrgiziletinin túsindirdi. Jeńimpazdar aqpan aıynyń sońynda – Alǵys aıtý kúniniń qarsańynda belgili bolady.

Laýreattar kelesi nomınatsııalar boıynsha anyqtalady:

«Asar» (nomınatsııa qaıyrymdylyq isteri ulttyq salt-dástúrlerge baılanysty tulǵalardy marapattaýǵa baǵyttalǵan);

«Týǵan jer» (týǵan jerine bilim, Ekologııa men abattandyrý salalarynda kómek kórsetip júrgen jandarǵa arnalǵan);

«Batyl júrek» (nomınatsııa aıasynda erlik kórsetken, qaısarlyq tanytqan tulǵa marapattalady);

«Meıirim jolynda» (nomınatsııa óz erkimen jáne óteýsiz kómek kórsetetin, qaıyrymdylyq jasaıtyn janǵa tabys etiledi);

Pіkіrler Kіrý