RESPÝBLIKALYQ QURAN KÁRIM BAIQAÝYNYŃ JEŃIMPAZDARY ANYQTALDY (FOTO)

08 maýsym 2023 1878 0 Оqý rejımi

Búgin Almatyda QMDB Tóraǵasy, Bas múftı Naýryzbaı qajy Taǵanulynyń qatysýymen Qurandy jatqa oqýdan qyzdar arasyndaǵy III respýblıkalyq baıqaýdyń marapattaý rásimi ótti.

Qazaqstan musylmandary dinı basqarmasynyń uıymdastyrýymen ótken Quran baıqaýynyń marapattaý rásiminde Bas múftı jeńimpaz qarılarǵa, olardyń ustazdary men ata-analaryna erekshe alǵysyn bildirdi. Sonymen qatar baıqaýda qazylyq jasaǵan qarı-ustazdarǵa da rızashylyǵyn jetkizip, alǵys hatpen marapattady.

«Quran – adamnyń táni men janyna shıpa bolatyn jalǵyz kitap. Quran – súringenge súıeý, jyǵylǵanǵa demeý, týrashyl adamdar úshin jolbasshy. Jumaqtaǵy adamnyń mártebesi - onyń Qurannan qansha aıat jattaǵanyna baılanysty bolady. «Qurandy bilgenge bylaı aıtylady: «Oqy, kóteril de bul ómirde jasaǵanyńdaı sózderdi anyq aıt, rasynda, seniń ornyń seniń sońǵy oqyǵan aıatyńa saı bolady». Ózderińiz sekildi Qurandy qurmettep, ony jattaǵan qaryndastarymyzǵa Alla razy bolsyn! Alla Taǵala Quran oqýshylardyń mártebesin bıiktetkeı. Osy saýapty iske demeý kórsetken, uıymdastyrǵan azamattarǵa Jaratqannyń jaqsylyǵy bolsyn» dedi Naýryzbaı qajy Taǵanuly.

Baıqaý jeńimpazdary QMDB Tóraǵasy atynan alǵys hat pen arnaıy qarjylaı syılyqqa ıe boldy.

Qazylar alqasynyń sheshimimen 4 atalym boıynsha jeńis tuǵyrynan kóringen qarılardyń tizimi tómendegideı:

Tolyq Qurandy jatqa oqýdan (30 para boıynsha):

1-oryn Bakýllaeva Sakına (Óskemen qalasy) 1 500 000 tg.

2-oryn Erjigit Symbat (Túrkistan oblysy) 1 200 000 tg.

3-oryn Abdýllaeva Dıldora (Almaty oblysy) 1 000 000 tg.

20 para:

1-oryn Abdılazız Hanıfa (Túrkistan qalasy) 1 000 000 tg.

2-oryn Seıitqasym Janel (Almaty qalasy) 800 000 tg.

3-oryn Omarbekova Arýjan (ShQO) 600 000 tg.

10 para:

1-oryn Kazenova Amına (Almaty oblysy) 600 000 tg.