«SÁDÝAQAS QAJY ǴYLMANI » MEShITINDE «QAJYNYŃ RÝHANI KELBETI» QUJATY TANYSTYRYLDY

Qajylyq - musylman ulttar arasyndaǵy teńdiktiń is júzindegi kórinisi, musylmandar úshin sabyr men talpynysty úıretetin mektep. Barmaǵan da armanda, barǵan da armanda qalatyn osy qasıetti qajylyq sapary pendege ómirinde biraq ret beriletin Alladan bolǵan múmkindik. Bul berilgen nyǵmetten keıin de oǵan laıyqty bolýǵa tyrysý ár qajynyń mindeti. Osy tusta QMDB bekitken «Qajynyń rýhanı kelbeti»  qujaty qajylarǵa úlken kómek bolmaq.

Búgin besin namazynan keıin «Sádýaqas qajy Ǵylmanı»  meshitinde  QMDB-nan bekitilgen «Qajynyń rýhanı kelbeti»  qujaty tanystyrylyp, halqymyz qajylyqqa barǵan azamattardy «qajy» dep qurmettep, olarǵa erekshe iltıpat kórsetetin, qajylar da óz kezeginde kórkem minezimen, adaldyǵymen, ádildigimen ózgelerge ónege bolýy tıis ekeni týraly jan-jaqty túsindirildi.

Kelesi kezekte Múftııat qajylyqqa  qyzmet kórsetetin 17 týroperatordy bekitip, resmı saıtynda konkýrstan ótken kompanııalardyń tizimin de jarııalaǵanyn, bul kompanııalar qajylardyń qaýipsizdigine, olardy Mekke-Medınaǵa aparyp-ákelýge, qonaqúı jáne as-sýmen, transportpen qamtamasyz etýge jáne tıisti qujattaryn rásimdeýge mindetteletini tolyq túsindirildi. Sondyqtan qajylyqqa nıet etýshiler ártúrli keleńsizdikke  tap bolmas úshin solarǵa ǵana júginýge shaqyrdy.

Источник: Aidos