«SÁDÝAQAS QAJY ǴYLMANI» MEShITINDE «TOI – TÁRBIE MEN TAǴYLYMNYŃ ORDASY» TAQYRYBYNDA ÝAǴYZ ÓTTI

QMDB Astana qalasy ókildigine qarasty «Sádýaqas qajy Ǵylmanı» meshitinde áıel-qyzdar jamaǵatyna arnalǵan «Toı – tárbıe men taǵylymnyń ordasy» taqyrybynda taǵylymdy ýaǵyz ótti.

Ýaǵyzdy meshit ustazy Aıgúl Kóksegen júrgizip, qazaq halqynyń toı ótkizý dástúri, ulttyq qundylyqtar men ıslam dinindegi ádep máselelerine toqtaldy. Kezdesý barysynda toıdyń maqtan men básekeniń emes, bereke men birliktiń, tálim men tárbıeniń ordasy bolýy kerektigi aıtyldy.

Sondaı-aq ustaz toılarda ysyrapshyldyqqa jol bermeý, sharıǵat talaptaryn saqtaý, ulttyq salt-dástúrlerimizdi dáripteý jáne jas urpaqqa ónegeli tárbıe berý máselelerine erekshe nazar aýdardy. Taǵylymdy basqosý áıel-qyzdar jamaǵatynyń rýhanı bilimin arttyrýǵa jáne qoǵamda ónegeli toı mádenıetin qalyptastyrýǵa baǵyttaldy.

Источник: Aisha