«SALAÝATTY JAMAǴAT»: ULTTYQ SPORT TÚRLERINEN SAIYS ÓTTI (FOTO)

Búgin «Salaýatty jamaǵat 2023» jobasy aıasynda Kóktal meshitiniń bas ımamy Sabıt Erejepovtyń uıytqy bolýymen QMDB Astana qalasy ókildigine qarasty meshit jamaǵattary arasynda «Kúshti adam – qýatty qoǵam kepili» atty ulttyq sport oıyndary boıynsha saıys ótti. Kóktal meshitiniń uıytqy bolýymen ótken saıysta qaladaǵy 15 meshit jamaǵaty men Astana medresesiniń shákirtteri, jalpy 16 komanda «Sadaq atý», «gir kóterý», «arqan tartys», «qol kúres», «asyq atý» oıyndary boıynsha baq synasty.

QMDB jarııalaǵan «Islam jáne izgi qoǵam» jyly aıasynda jamaǵat arasyndaǵy baýyrmaldyqty kúsheıtip, din men dástúr sabaqtastyǵyn arttyrýǵa baǵyttalǵan «Salaýatty jamaǵat» saıysy buǵan deıin birneshe ret ótkizilip, dástúrge aınalyp keledi. Bir-birimen tanys bolyp qalǵan qatysýshylar da jamaǵat arasyndaǵy jarasymdylyqtyń úlgisin kórsetti. Jamaǵatqa jankúıer bolyp, qoldaý kórsetýge qala bas ımamy Erbolat Júsipov bastaǵan dinı qyzmetkerler qaýymy da túgeldeı qatysyp, erekshe saıys ótti.

Búgingi sport saıysyna rekordsmen, qara kúsh ıesi Tımýr Sypataev kelip óz ónerin pash etti. Ulttyq sport dáripteýshisi saıysta ádil tóreligin aıtýǵa qatysyp, jeńimpazdardy anyqtady.

Saıys sońynda ár sport túri boıynsha júldegerlerge arnaıy «Alǵys hat» tabystalyp, estelik syılyqtarmen marapattaldy. Sondaı-aq, komandalardyń jalpy kórsetkishteri esepke alynyp, júldeli oryndar berildi.

Saıystyń III oryn tuǵyryna «Yryskeldi qajy» meshiti laıyq dep tanyldy. II orynǵa «Kóktal» komandasy kóterilse, «Áljan ana»  meshiti jalpy esepte I oryndy ıelendi.

Sýretterdi «FOTOGALEREIa» aıdarynan kóre alasyzdar!

Источник: Aidos