Sansyzbaı ustaz Bas meshit jamaǵatyna ýaǵyz júrgizdi (FOTO)

Astana qalasyndaǵy respýblıkalyq «Áziret Sultan» meshitindegi jelisi úzilmegen júıeli ýaǵyz-nasıhat jumysy men oqý-aǵartý isi qyrkúıek kelisimen qaıta jandana tústi. Jazǵy demalys kezinde bos qalǵan dárishanalar lyq tolyp, sabaq úıretken ustaz úni men qosyla qaıtalaǵan shákirtter daýysy quptan namazyna deıin jalǵasyp, qulshylyq ordasyndaǵy tirshilik túrlenip sala bergendeı boldy.

Keshe osy baǵyttaǵy jumystar aıasynda Bas meshit jamaǵaty belgili ǵalym, QMDB Sharıǵat jáne pátýa bóliminiń meńgerýshisi Sansyzbaı Qurbanulymen kezdesý ótkizdi. Aqsham namazynan soń jıylǵan jamaǵatqa musylman kúntizbesiniń mán-jaıyn baıandaǵan ǵalym jaqynda ǵana esigin ashqan hıjrı jyl sanaýynyń 1440 jylyna deıin sholý jasap ótti.

Ýaǵyzdy myna  siltemeden  kóre alasyzdar!