Saýd koroli marqumdardyń otbasyna tórt jyldan soń ótemaqy berdi

Esterińizde bolsa, 2015 jylǵy qajylyq maýsymy kezinde qurylys krany qulap, 107 adamnyń ajalyna sebep bolǵan edi. Júzden astam qajy túrli deńgeıdegi dene jaraqatyn alǵan bolatyn.

Arada tórt jarym jylǵa jýyq ýaqyt ótkende ǵana baryp, sol qaıǵyly oqıǵa kezinde kóz jumǵan malaızııalyq marqumdardyń otbasyna Saýd Arabııasy tarapynan ótemaqy tólenip otyr. Saýd koroli Salmannyń jeke qazynasynan qaıtys bolǵan 7 malaızııalyq qajylardyń otbasyna 1 mln saýd rıaly (267 000 dollar), al jaraqat alǵandarǵa 500 000 rıal kóleminde ótemaqy berilgen. Apta basynda ótken arnaıy kezdesý barysynda aqsha chegin Saýd elshisi Mahmýd Hýseın Saıd Kattan tabys etken.

Budan bólek, marqumdardyń otbasyna Malaızııa Qajylyq qorynyń esebinen 5 000 dollar jáne Islamı saqtandyrý (takafýl) júıesi boıynsha 5 000 dollar kóleminde ótemaqy qosa berilgen.

Aıta keteıik, Mekke qalasyndaǵy kran oqıǵasyna qatysty Saýdııa soty apat qyzmetkerler qateliginen bolmaýy sebepti Saudi Bin Laden Group kompanııasyn aıypty emes dep sheshim shyǵarǵan bolatyn.