Semeıde Azanshylar saıysynyń irikteý kezeńi ótti (FOTO)
Semeı aımaǵy ókildiginiń uıymdastyrýymen QMDB-nyń 30 jyldyq mereıtoıyna oraı IV respýblıkalyq «Ádemi áýezdi azanshy» atty azanshylar saıysynyń irikteý kezeńi ótti.
Saıysqa qala, aýdan ımamdary jáne 20-ǵa jýyq azanshylar onlaın jáne oflaın túrinde qatysty.
Rýhanı báıgege tórelik etken qazylar alqasy quramynda Semeı Qos munaraly meshitiniń bas ımamy Asqar Ábitaıuly, meshittiń naıb ımamy Erlan Dosymuly, Jastar isi sektorynyń jetekshisi Aıdyn Sálimhanuly men meshit ustazy Rashıd Meıirbekuly azan shaqyrýdy óz naqyshyna keltire aıtqan azanshylardy synnan ótkizdi.
Bul amal jamaǵatty namazǵa shaqyrý úshin aıtylatyndyqtan, azanshyǵa qoıylatyn basty talaptyń biri – onyń daýysynyń zor bolýy, arab áripteriniń mahrajdaryn jaqsy bilýi, azan duǵasyn jatqa bilý jáne azan kálımalary men duǵasynyń maǵynasyn bilý. Qazylar saıyskerlerdiń ádemi áýezimen qatar, oqý naqyshyn jáne azannyń tarıhynan da suraqtar qoıyp otyrdy.
Azanshylarǵa ádil baǵa berilip, toptan jaqsy áýenimen qulaqqa jaǵymdy daýysymen top jarǵan «Tóleýbek qajy» meshitiniń ustazy Nuǵyman Eraly respýblıkalyq azanshylar jarysyna joldamany utyp aldy.
