Senat spıkeri: Konfessııaaralyq ashyq dıalog ótkizý – naǵyz revolıýtsııalyq is
Búgin Elordada Álemdik jáne dástúrli dinder lıderleri sıezi XVIII hatshylyǵynyń otyrysy bolyp ótti. Otyrysqa QR Parlamenti Senatynyń tóraǵasy – Álemdik jáne dástúrli dinder lıderleri sıezi hatshylyǵynyń basshysy Darıǵa Nazarbaeva tóraǵalyq etti.
«Osy kúnderi Álemdik jáne dástúrli dinder lıderleriniń birinshi sezi ótken kezden beri 16 jyl ótip otyr. Sol sátte qonaqjaı qazaq jeri alǵash ret beıbitshil, dostyq peıildi jáne jemisti konfessııaaralyq dıalogty júrgizý úshin ashyq alańǵa aınalǵan bolatyn. QR Tuńǵysh Prezıdenti – Elbasy Nursultan Nazarbaev álemdik jáne dástúrli dinder lıderleriniń sezin ótkizý ıdeıasynyń avtory boldy. Ótken jyldary Qazaqstannyń orasan zor ıadrolyq qarý arsenalynan bas tartýyna bastamashy bolǵan, búkil álem moıyndaǵan bitimger, Táýelsizdik jyldary ishinde óńirlik qaýipsizdik pen turaqtylyqtyń tiregine aınalǵan eldiń basshysy Nursultan Nazarbaevtyń bastamasyn eń iri álemdik dinder men konfessııalardyń basshylary qoldady», — dedi otyrysty ashqan Senat spıkeri.
Sonymen qatar, ol Elbasynyń konfessııaaralyq dıalog ótkizý týraly ıdeıasyn sol sátte barsha álem qyzý qoldaǵanyn eske saldy.
«Sodan beri Qazaqstannyń Tuńǵysh Prezıdentiniń strategııalyq salmaqty ári kórgen bastamasy óziniń ózektiligin joǵaltqan emes. Jańa myńjyldyq basynda eń joǵary deńgeıde konfessııaaralyq ashyq dıalog ótkizý naǵyz revolıýtsııalyq is edi. Al búgingi kúni iri álemdik konfessııalar basshylarynyń Eýrazııa kindiginde kezdesýi izgi dástúrge aınaldy», — dedi Darıǵa Nazarbaeva.
Aıta keteıik, búgingi otyrysta Álemdik jáne dástúrli dinder lıderleriniń VI Sıez qorytyndylary men Hatshylyq qyzmetiniń keleshegi týraly pikir almasylady. Sodan keıin 2021 jylǵy Álemdik jáne dástúrli dinder lıderleriniń VII Sıezin ótkizý boıynsha usynystar talqylanady.
