Serikbaı qajy Oraz Bishkekte Qyrǵyzstan múftıimen kezdesti (FOTO)
Qazaqstan musylmandary dinı basqarmasynyń tóraǵasy Serikbaı qajy Oraz Bishkek qalasynda Qyrǵyzstan múftıi Maqsatbek qajy Toqtamysovpen kezdesti.
Resmı qabyldaýda din qaıratkerleri qazaq-qyrǵyz baýyrlastyǵy nyǵaıyp kele jatqanyn aıryqsha atap ótti. Sonymen qatar, taraptar Ortalyq Azııadaǵy musylman úmbetiniń aýyzbirshiligi, dinı tutastyǵy men ortaq qundylyqtary jaıly pikir alysty. Baýyrlas elderdiń múftıleri ortaq múdde men maqsat úshin birlesip qyzmet etýdiń mańyzdylyǵyna toqtaldy. Óz kezeginde Maqsatbek qajy Toqtamysov Qazaqstan musylmandary dinı basqarmasynyń uıymdastyrýymen Astanada ótken Eýrazııa musylman ǵulamalarynyń forýmy jaıly oń pikirin bildirdi.
Serikbaı qajy Oraz Qyrǵyzstan múftıin Astanada ótetin Álemdik jáne dástúrli din lıderleriniń kezekti sezine shaqyrdy.
«Qyrǵyz – qazaq halqyna eń jaqyn ult. Bizdiń dástúrimiz ben dinimiz, mázhabymyz ben mádenıetimiz bir. Ortaq qundylyqtarymyz kóp. Qyrǵyzstan – Ortalyq Azııadaǵy bizge eń jaqyn baýyrlas el. Dinı, rýhanı baǵyttaǵy áriptestik baılanysymyzdy árqashan jandandyryp otyrýymyz – tatýlyǵymyzdyń jarqyn kórinisi», – dep atap ótti Serikbaı Satybaldyuly.
Basqosý barysynda Qyrǵyzstan múftıi Maqsatbek Toqtamysov resmı saparmen arnaıy Bishkekke kelgen Serikbaı qajy Orazǵa alǵysyn bildirdi.
Aıta keteıik, búgin Bas múftı bastaǵan qazaqstandyq delegatsııa Bishkekte ótetin halyqaralyq forýmǵa qatysady.
