Serikbaı qajy Oraz Horvatııa múftıin qabyldady (FOTO)
Búgin Bas múftı Serikbaı qajy Oraz respýblıkalyq «Áziret Sultan» meshitinde Álemdik jáne dástúrli din lıderleriniń VI sezi aıasynda Horvatııa Islam qoǵamdastyǵy Mesıhat uıymynyń tóraǵasy, múftı, doktor Ázız Hasanulyn qabyldady.
Kezdesýde mártebeli meıman Horvatııa elinde dinı salada atqarylyp jatqan ıgi sharalar men jobalar týraly baıandady. Doktor Ázız Hasanuly jýyrda Horvatııada ótken halyqaralyq Quran jarysy jaıly da áńgimelep berdi.
Álemdik jáne dástúrli dinı lıderleriniń VI sezi jaıly pikir bildirgen Horvatııa múftıi Á.Hasanuly:
«Bul – álemdik deńgeıdegi izgi basqosý. Sezd álem halyqtaryn, barsha din ókilderin birlik pen beıbitshilikke úndep, olardyń ózara túsinistigi men tatýlyǵyna úles qosyp keledi. Biz Qazaqstan Prezıdenti Nursultan Nazarbaevtyń bul ıgi bastamasyn qoldaımyz», – dedi.
QMDB tóraǵasy S.Satybaldyuly mártebeli meımanǵa Qazaqstandaǵy Islam tarıhy týraly baıandap, osy baǵytta jaryq kórgen «Uly dala tósindegi Islam» atty avtorlyq kitabyn syıǵa tartty.
Kezdesý sońynda din qaıratkerleri dinı saladaǵy ekijaqty baılanysty arttyrýǵa, ıgi jobalardy birlese júzege asyrýǵa, ózara tájirıbe almasýǵa ýaǵdalasty.
