Serikbaı qajy Oraz Əl-azhar ýnıversıtetiniń sheıhymen kezdesti (foto)

Qazaqstan musylmandary dinı basqarmasynyń tóraǵasy Serikbaı qajy Oraz Egıpet Arab Respýblıkasyna jasaǵan resmı sapary barysynda Kaır shaharynda ornalasqan  əlemge əıgili əl-Azhar ýnıversıtetiniń sheıhy  Ahmet Taıyppen kezdesti.

Kezdesýde əlemdegi musylman úmbetiniń birligi, Astanada ər úsh jyl saıyn ótetin Əlemdik jəne dəstúrli din lıderleri seziniń dinı tatýlyqty nyǵaıtýdaǵy róli, ekijaqty kelisim aıasynda dinı maman daıarlaý, Nur Múbərak ýnıversıtetiniń jumysyn jetildirý, t.b. məseleler talqylandy. Sonymen qatar Qazaqstan men Egıpet Arab Respýblıkasy arasyndaǵy baýyrlastyq, dostyq pen tarıhı baılanystar sóz boldy.

Basqosý barysynda din qaıratkerleri tereń bilimdi teologtardy daıarlaý baǵytynda əriptestik baılanysty jandandyrýǵa ýaǵdalasty.

Óz kezeginde Bas múftı QMDB qyzmetkerleriniń əl-Azhar ýnıversıtetinde ilimin tolyqtyryp, təjirıbeden ótip jatqanyn, buǵan qoldaý bildirip otyrǵan oqý ornynyń basshylyǵyna alǵys bildirdi.