«Sharıat v tablıtsah» kitabynyń tanytymy ótti (FOTO)
Ǵulamalar keńesiniń HHHIII májilisinde «Sharıat v tablıtsah» kitabynyń tanytymy ótti.
«MUFTIYAT» baspasynan jaryq kórgen jańa kitaptyń tanytymyna QMDB Tóraǵasy Naýryzbaı qajy Taǵanuly bastaǵan Ǵulamalar keńesi músheleri qatysty.
Kitapta Islam dini musylmandarǵa mindettegen ǵıbadattardyń Hanafı mázhabyna saı oqylýynyń qysqasha anyqtamalyǵy berilgen. Kitap namaz, oraza, zeket jáne qajylyqqa qatysty barlyq musylman úshin mańyzdy saýaldardyń jaýabyn keste túrinde berýimen erekshelenedi.
«Sharıat v tablıtsah» kitabyál-Marǵınanı, ál-Qýdýrı, ál-Maýsyılı, ash-Shýrýnbýlálı, ál-Kókkózı syndy belgili Islam ǵalymdarynyń eńbekterine súıenip daıyndalǵan. Kitapty qurastyryp, baspaǵa ázirlegen – ıslamtanýshy Ańsaǵan Abdrahman.
