Shet elderge et Eksporttaıtyn qasaphanalar tekserildi (FOTO)
Shymkent qalasyna jumys sapary barysynda «Halal Damý» dırektory Aıbek Asqarbekuly Birikken Arab Ámirligine úlken kólemde et Eksporttaıtyn «Bio Agro Meat» jáne «ADS Groupe» qasaphanalarynda baqylaý-qadaǵalaý jumystaryn júrgizdi. Aýdıt sharalaryna jergilikti ınspektor-kontroler Qazbek Sarybaev ta qatysty.
«Bio Agro Meat» – Shymkenttegi BAÁ-ne et Eksporttaıtyn biregeı kásiporynnyń biri. Aldaǵy ýaqytta «QMDB Halal» tańbasymen tutastaı Parsy shyǵanaǵy elderine et jetkizýdi qolǵa alýda. Al «ADS Group» qasaphanasyn sertıfıkattaý jumystary áli de jalǵasýda. Bul qasaphana da Parsy shyǵanaǵy elderine et Eksporttaýmen aınalysady.
Atalǵan qasaphanalarda júrgizilgen aýdıt barysynda mal baýyzdaýǵa qatysty qoıylatyn halal standarty talaptarynyń oryndalýy men saqtalýy nazarǵa alyndy. Maldy qolmen ári «Bısmıllah» aıtyp baýyzdaýy, mal soıý barysynda ótkir, qalyńdyǵy men uzyndyǵy standartqa saı pyshaq qoldanýy, bir maldyń kózinshe ózge maldy soımaýy, qınamaýy, maldy baýyzdaǵannan keıin qan aǵyzý uzaqtyǵynyń bekitilgen standartqa sáıkes kelýi, mal etin óńdeý, saqtaý, satý, tasymaldaý sekildi protsestiń barlyǵynda bekitilgen talaptardyń júıeli júzege asýy eskerildi.
Qorytyndy aktige sáıkes, tekseris barysynda halal standarty talaptaryn buzý jaǵdaılary anyqtalmady. Sonymen qatar qasaphana qyzmetkerlerine sharıǵat tártibin saqtaı otyryp halal talaptaryna saı mal soıý jóninde oqý-semınary ótkizildi.
