Sheteldik sheneýnik Mekkege jaıaý keldi
Álemniń ár túkpirindegi musylmandar Mekkege qajylyq jasaýǵa ártúrli kólik quraldarymen, onyń ishinde jıi áýe joldary arqyly keledi.
Alaıda Birikken arab ámirliginiń sheneýnigi ári ǵalym bul qatynas quraldarynyń eshbirine júginbedi. Ótken demalys kúnderi BAÁ memlekettik strategııalyq zertteýler ortalyǵynyń dırektory, doktor Halıd ál-Sýveıdı Mekke qalasyna jaıaý jetti, dep jazady IslamNews.
Sheneýnik Abý-Dabı qalasynan Mekkege jaıaý 1850 shaqyrym joldy 29 kúnde eńserdi. Ol sapar barysynda shańdy daýyldarǵa da tap boldy, aıaǵyn da jaralap alǵan eken. Osyǵan qaramastan onyń Mekkede kishi jalyǵyn óteýine eshbir kóliksiz jetýine múmkindik týdy.
Óziniń aıtýynsha, bul saparǵa bir jyl daıyndalǵan eken. «Meni tańqaldyrǵany – Mekkege jetkende munda kóshe boıynda meni kútken halyqtyń kóptigi. Olar menimen sýretke túskisi keldi. Tipti adam aıtsa nanǵysyz» deıdi arab sheneýnigi.
