ShQO: BIZIBORD TARTÝ ETILDI
«Islam jáne izgi qoǵam» jyly aıasynda ShQO ókildigi S.Amanjolov atyndaǵy Shyǵys Qazaqstan ýnıversıtetinde erekshe shara uıymdastyrdy.
Atalǵan oqý ornynyń «Dana Bala» úzdiksiz jáne ınklıýzıvti bilim berý ortalyǵyna QMDB «Zeket jáne qaıyrymdylyq» qorynyń óńirdegi ókildigi ázirlegen bızıbord ónimderi tartý etildi. Bul ıgi is týraly qordyń ShQO boıynsha ókili Berik Kádiruly: «Qazirgi tańda «Zeket jáne qaıyrymdylyq» qorynyń birneshe jobalarynyń ishinde bızıbord ónimderin óndirý jáne múmkindigi shekteýli balalarmen jumys jasaý boıynsha oqytý kýrstar ashyldy. Biz qashanda talantty jastardy qoldap, olardyń oqyp úırenýine múmkindikter jasaý maqsatynda osyndaı sharalar atqaramyz. Bul joba qoldaý taýyp otyr» dep atap ótip, is-sharanyń mańyzyna toqtaldy.
Ol sonymen qatar «Dana Bala» úzdiksiz jáne ınklıýzıvti bilim berý ortalyǵynyń shákirtterimen júzdesip, bilim alý jaıynda taǵylym aıtyp berdi. S.Amanjolov atyndaǵy Shyǵys Qazaqstan ýnıversıteti basshylyǵy sharany júzege asyrǵan «Zeket jáne qaıyrymdylyq» qoryna alǵys bildirdi.
