Shymkentte naıb ımamǵa baspana berildi (FOTO)
Búgin QMDB-nyń Shymkent ortalyq meshiti men qalalyq «Zeket» qory ókildiginiń uıymdastyrýymen Qarataý aýdany, Bozaryq eldi mekeninde «El úlesi – páterge» aktsııasy boıynsha 270-shi úıdiń kiltin tabys etý sharasy uıymdastyryldy.
Igi sharada aldymen qasıetti Quran oqylyp, duǵa etildi. Arnaıy quttyqtaý úshin Shymkent qalasynyń bas ımamy Baqdáýlet Abdrahmanov sóz alyp, ıgi jumystyń mańyzdylyǵyna toqtalyp, QMDB tóraǵasy, Bas múftı Naýryzbaı qajy Taǵanulynyń quttyqtaýyn jetkizdi. Sondaı-aq, sóz sóńynda jańa baspanaǵa ıe bolǵan «Nur-Múbárak» Egıpet Islam mádenıeti ýnıversıtetiniń túlegi, búginde Qarataý aýdandyq «Baıǵut baba» meshitiniń naıb ımamy Nursultan Ábjelelge qutty bolsyn aıtyp, sáttilik tilep, 3 bólmeli páterdiń kiltin tabystady.
Igilikti sharaǵa qala ımam orynbasary Muhamedjan Estemirov, «Halal Damý» JShS Shymkenttegi ókili Qazybek Sarybaev, is basqarýshy Azamat Ábdikerimuly, Qarataý aýdandyq meshittiń bas ımamy Dastan Jeleýov, qalalyq «Zeket» qorynyń jetekshisi Aıbek Azımbaev, qalalyq «Ájeler» mektebiniń músheleri t.b. azamattar qatyasty.
