Smaıyl Seıtbekov «Zeıin» oqyrmandarymen kezdesti (FOTO)
«Zeıin» oqyrmandar klýby QMDB Dinı bilim jáne kadr daıarlaý bóliminiń meńgerýshisi, ıslamtanýshy-ǵalym Smaıyl Seıtbekovtiń «Iman negizderi» kitabyn talqylady. Oqyrmandar alańyna eńbek avtory Smaıyl Seıtbekovtiń ózi kelip, kitap mazmunyn baıandap berdi.
«Iman negizderi» elimizdegi musylmandardyń rýhanı shamshyraǵy, dinı tanym-túsinigi endi ǵana qalyptasyp kele jatqan kópshiliktiń senim, aqıda máselesindegi álippesi ispetti. Dinı saýatyn arttyrýǵa yntaly qalyń jurtshylyqtyń qajetine jarap turǵan kitap budan on bes jyl buryn alǵash ret basylypty. Al jýyrda ǵana ekinshi ret jańa dızaınmen jaryq kórdi.
Kitaptaǵy ıman negizderi jóninde avtor keńinen toqtalyp, «Zeıin» oqyrmandarynyń saýaldaryna jaýap berdi. Sondaı-aq kezdesý sońynda Smaıyl Súıerqululy atalmysh kitapty qoltańbasyn qoıyp, oqyrmandarǵa tabys etti.
