SOǴYSTA QAZA BOLǴAN BATYRLARDY ESKE ALÝ KEShI ÓTTI (FOTO)
Búgin Elordadaǵy «Ál-Ǵanı» meshitinde Jeńis kúnine oraı Astana qalasynyń Ózbek Etnomádenı ortalyǵy Qazaqstan halqy Assambleıasynyń qoldaýymen QMDB Astana ókildigimen birlese otyryp Uly Otan soǵysynda qaza bolǵan batyrlardy eske alý keshin ótkizdi. As berilip, meshit ımamdary qasıetti Quran aıattaryn elimizdiń beıbitshiligi úshin kúresken barsha batyrlardyń rýhyna baǵyshtady.
Is-sharaǵa belgili memleket jáne qoǵam qaıratkerleri, Etnomádenı birlestikterdiń ókilderi, sondaı-aq meshit qyzmetkerleri men basqa da qonaqtar qatysty.
Belgili memleket qaıratkeri Ersultan Bekturǵanov Qazaqstandaǵy Etnosaralyq jáne konfessııaaralyq kelisimdi nyǵaıtýda Assambleıa men Qazaqstan musylmandary dinı basqarmasynyń biriktirýshi rólge ıe ekenin, sondaı-aq, búgingi sharanyń mańyzdylyǵyn atap ótti. Ol osynaý ıgi is-sharany uıymdastyrýshylarǵa alǵysyn bildirip, jıylǵan qaýymdy Jeńis kúnimen quttyqtady. Belgili qoǵam qaıratkeri Salman Geroev óz sózinde soǵys jáne qýǵyn-súrgin jyldarynda dostyq qolyn sozyp, kóptegen qýǵyn-súrginge ushyraǵan halyqtardyń óliminen qutylýyna sebep bolǵan barlyq qazaq halqyna shynaıy alǵysyn bildirdi.
Halyq batyrlaryn eske alýǵa arnalǵan dastarhan basynda Astana qalasyndaǵy Ózbek Etnomádenı ortalyǵynyń tóraǵasy Sherzod Pýlatov jıylǵan qonaqtarǵa azyq-túlik jıyntyǵyn taratty.
«Ál-Ǵanı» meshitiniń bas ımamy Dýlat Qabıdenuly Astana qalasynyń bas ımamy Erbolat Nuryldaulynyń qoldaýymen búgin Elordada Jeńis kúnine arnalǵan birqatar is-sharalar ótkizilip jatqanyn aıtyp, QMDB basshylyǵynyń atynan atalǵan is-sharanyń barlyq uıymdastyrýshylaryna alǵysyn bildirdi. Ol soǵysta qurban bolǵan barsha maıdangerler úshin duǵa etip, eldiń amandyǵyn tiledi.
Источник: Aidos
