SYǴANAQI INSTITÝTYNA 46 ShÁKIRT OQÝǴA QABYLDANDY (FOTO)
Nur-Sultan qalasyndaǵy Qazaqstan musylmandary dinı basqarmasy janynan ashylǵan Hýsamýddın ás-Syǵanaqı atyndaǵy Islam ınstıtýtyna 46 shákirt oqýǵa tústi. Bul týraly ınstıtýttyń basshylyǵy habarlady.
Instıtýtqa qujattar qabyldaý tamyz aıynda júrgizildi. Emtıhandar 5-7 qyrkúıek aralyǵynda elordada ótti. Talapkerler arab tili, qurandy jatqa oqý jáne tájýıd erejeleri boıynsha emtıhan tapsyrdy. Emtıhan qabyldaǵan komıssııa músheleri quramynda mysyrlyq doktorlarmen qatar QMDB ǵalymdary da boldy.
Elimizdiń 13 óńirinen 70-ten astam talapker ınstıtýtqa qujat tapsyrdy. Emtıhan nátıjesi boıynsha, 46 talapker Hýsamýddın as-Syǵanaqı atyndaǵy Islam ınstıtýtyna oqýǵa qabyldandy. Oqýǵa túsken shákirtterdiń 27-si – Islam ilimderi bóliminde, 19-sy Quran ıjazasy bóliminde oqıdy.
Aıta keteıik, oqýǵa qabyldanǵan 46 talapkerdiń 10-y – úzdik dıplom ıeleri. 23-i Qazaqstan musylmandary dinı basqarmasy aıasynda ımamdyq jáne ustazdyq qyzmet atqarady.
