«TALABA» QAÝYMDASTYǴYNYŃ ÓKILDERI ESEP BERDI (FOTO)

Astanada Qazaqstan musylmandary dinı basqarmasynyń tóraǵasy Naýryzbaı qajy Taǵanulynyń jetekshiligimen ótip jatqan 2023 jyldyń qorytyndy Tóralqa jıynynda shetelderdegi «Talaba» qaýymdastyǵynyń ókilderi arnaıy esep berdi.

Atap aıtqanda, Dinı basqarmanyń Túrkııa Respýblıkasyndaǵy jaýapty ókili Jandos Ómirzaquly, Mysyr Arab Respýblıkasyndaǵy jaýapty ókili Rýslan Serǵazıev pen Saýd Arabııa Koroldigindegi jaýapty ókili Abdýlahad Smanov onlaın formatta baıandama jasady. «Talaba» qaýymdastyǵynyń jaýapty ókilderi shetelde dinı bilim alyp jatqan qazaq stýdentteri jaıly aqparat berip, 2023 jyly atqarǵan aýqymdy sharalarǵa keńinen toqtaldy.

Bas múftı Naýryzbaı qajy Taǵanuly Otanynan, ata-ana, baýyrlarynan jyraqta júrgen qazaq stýdentteri Dinı basqarmanyń qamqorlyǵyn árdaıym sezinip júrýi tıis ekenin aıtty. Osy rette Dinı basqarmanyń jaýapty ókilderi Jandos Ómirzaqulyna, Rýslan Amantursynuly men Abdýlahad Abdýsattarulyna «Talaba» qaýymdastyǵynyń jumysyn ary qaraı jetildire berýdi tapsyrdy.

​