«Talaba» qaýymdastyǵynyń Saýd Arabııadaǵy ókili taǵaıyndaldy (FOTO)
Saýd Arabııa Koroldigindegi jumys sapary aıasynda Bas múftı Naýryzbaı qajy Taǵanuly Er-Rııadta QMDB-nyń osy eldegi ókili jáne «Talaba» stýdentter qaýymdastyǵynyń osy eldegi jetekshisi etip Abdýlahad Smanovty taǵaıyndady.
Bas múftı turaqty ókildi Qazaqstannyń Saýd Arabııa Koroldigindegi Tótenshe jáne Ókiletti Elshisi Berik Arynǵa arnaıy tanystyrdy.
Qazirgi tańda jańadan taǵaıyndalǵan Abdýlahad Smanov Er-Rııadta doktarantýrada bilim alýda. Bas múftı óz kezeginde jaýapty ókilmen Elshilik arasyndaǵy baılanysty nyǵaıtýǵa qatysty óz usynysyn jetkizdi. Berik Saqbaıuly QMDB Tóraǵasynyń usynysyn qabyl alyp, qoldaýǵa daıar ekenin aıtty.
Búginde Saýd Arabııasynda 20-ǵa jýyq shákirt bar. Munda stýdentterdi 4 ýnıversıtet qabyldaıdy.
Eske salaıyq, QMDB janynan qurylǵan «Talaba» qaýymdastyǵynyń Túrkııada, Mysyrda arnaıy jaýapty ókilderi jumys isteıdi.
