«TAŃ NYǴMETI» KITABYNYŃ AVTORYMEN KEZDESÝ ÓTTI (FOTO)

Búgin Astana tórindegi «Áziret Sultan» meshitinde RATT múshesi, jýrnalıst, ıslamtanýshy Aısha Keńesbaıdyń «Tań nyǵmeti» kitaby men «Berekeli kún» motıvatsııalyq kúndeliginiń tanystyrylymy ótti.

Áıel jamaǵatyna arnalǵan kezdesýde avtor kitabynda qamtylǵan tyń aqparattarmen bólisip,  uıqynyń mańyzdylyǵyn atap ótti.

Avtor shyǵarmasynda Kúndizgi tirshilik tártibi, kúndizgi jáne túngi uıqy, tús kórý men ony jorý, t.b. qupııa qubylystar arqyly adamǵa ózin-ózi tanýǵa dáıekti dálelder keltiredi. QMDB Dinı saraptama bóliminiń oń qorytyndysy berilgen bul kitapta tańmen talasyp uıyqtamaý, tirshilik daǵdysyn qalyptastyrý barysynda rızyqtar men qajettilikterin tańsáriden tapqan uly tulǵalar jetistikteriniń mysalymen berilgen. Eńbekte ómirdi ózgertýge qatysty adamnyń óz quzyryna tıesili tustary, jańa ádetter qalyptastyrý nátıjesinde bıik maqsattar men belesterdi baǵyndyrýǵa bolatyn baǵyttar usynylady.

Jıyn sońynda QMDB Áıel-qyzdar sektorynyń Astana qalasy boıynsha jetekshisi Elmıra Buqarbaeva sóz sóılep, Aısha Keńesbaıǵa óz alǵysyn bildirdi. Áıel jamaǵaty óz usynys-pikirlerin aıtyp, suraqtar qoıdy.

Aıta keteıik, kúni keshe Astana qalasyndaǵy Ulttyq akademııalyq kitaphanada «Berekeli kún» motıvatsııalyq kúndeliginiń tusaýkeseri ótip, avtordyń bir-birin tolyqtyryp turǵan qos eńbeginiń tanystyrylymy ótken bolatyn.