TARAZDA «QAMQOR-SHARAPAT» SALTTYQ QYZMET ORTALYǴY AShYLDY (FOTO)

QMDB Tóraǵasy Naýryzbaı qajy Taǵanuly Jambyl oblysyna sapary barysynda «Hıbattýla Tarazı» ortalyq meshiti janynan boı kótergen «Qamqor-Sharapat» salttyq qyzmet kórsetý ortalyǵyn ashty.

Bas múftı halyq arasynda as berý, zırat kóterý jáne qabirlerdi zııarat etýdiń sharıǵatqa saı ádebi men mádenıetin qalyptastyrý maqsatynda QMDB «Zırat jáne zııarat mádenıeti», «As berý mádenıeti» qujattaryn qabyldanǵanyn, sondaı-aq osy baǵytta múftııat janynan «Qamqor-Sharapat» salttyq qyzmet kórsetý ortalyǵy jumys istep jatqanyn atap ótti. 

«Dúnıeden ótken adamnyń aqtyq saparyn sharıǵatqa saı atqarý kerek. Bul ortalyq sharıǵat talaptaryna, QMDB bekitken qujattarǵa saı jerleý rásimin júzege asyrýǵa kómektesedi. Búginde bastamamyz jolǵa qoıylyp, birqatar óńirde «Qamqor-Sharapat» ortalyǵynyń máıithanalary jumys isteýde. Mine, búgin osyndaı ortalyq Jambyl oblystyq meshiti janynan ashylyp otyr. Biz meshitter janynan máıithanalar ashý arqyly qazaly úıge barynsha kómek kórsetip jatyrmyz. Sebebi qaıǵy jamylǵan qazaly otbasyǵa jerleý rásimderin atqarý ońaı is emes. Sondyqtan halyqtyń áleýmettik jaǵdaıyn eskere otyryp, marqumdy jýyndyrý, kebindeý, jerleý sekildi joralǵylardy sharıǵat talaptary boıynsha atqarýǵa járdem berip kelemiz» dedi Naýryzbaı qajy Taǵanuly. 

Sondaı-aq QMDB Tóraǵasy Dinı basqarmanyń taǵy bir maqsaty as berý kezinde ysyrapqa jol bermeý, as berý ádebin qalyptastyrý ekenin alǵa tartyp, qaıtqan kisige zırat turǵyzý, kesene salý jáne marqumdarǵa zııarat jasaýdyń jalpyǵa ortaq biryńǵaı mádenıeti bar ekenin eske saldy.

Источник: Aidos