TÚRIKMENSTANMEN RÝHANI BAILANYS BEKIDI (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly elordada Álemdik jáne dástúrli din lıderleriniń VII sezi aıasynda Túrikmenstannyń Bas múftıi Ialkap Hodjagýlyevpen kezdesti.
Basqosýda Álemdik jáne dástúrli dinder lıderleri seziniń dinaralyq dostyqty arttyrýdaǵy róli, túrki memleketteriniń rýhanı birligin, ortaq dinı senimin, salt dástúrin jáne ortaq muralaryn dáripteý máselesi talqylandy. Sonymen qatar Matýrıdı senim mektebi men Ábý Hanıfa mázhabyn halyqqa dáripteý, dinı oqý-aǵartý salalaryn damytý máselesi sóz boldy.
Túrikmenstannyń Bas múftıi Ialkap Hodjagýlyev elordada ótip jatqan halyqaralyq jıynǵa shaqyrtý jibergen uıymdastyrý komıtetine aıryqsha alǵysyn bildirdi.
Bas múftı Naýryzbaı qajy Taǵanuly Qazaqstan musylmandary dinı basqarmasynyń túrki memleketteriniń «Múftıler alqasyn» qurý týraly bastamasynyń mańyzdylyǵyn erekshe atap ótti. Kezdesý sońynda taraptar eki el arasyndaǵy rýhanı baılanysty arttyrýǵa ýaǵdalasty.
