Túrkistan oblysy jańa taǵy bir meshitpen tolyqty (FOTO)

08 qazan 2018 7076 0
Оqý rejımi

Tarıhyn san ǵasyrlardan alatyn, áýlıeler mekeni Otyrar óńiri taǵy bir jańa meshitpen tolyqty. Meshit Otyrar aýdany Talapty aýylynda boı kóterip, esigin jamaǵatqa aıqara ashty. Jalpy meshitke 100 adamnan asa jamaǵat syıady. Talapty aýylynyń kórikti jerinde ornalasqan.

Meshittiń ashylýy saltanatyna Qazaqstan musylmandary dinı basqarmasy tóraǵasynyń birinshi orynbasary, naıb múftı, Túrkistan oblysy boıynsha ókil ımam Naýryzbaı qajy Taǵanuly men Túrkistan oblysynyń qurmetti azamaty, Túrkistan qalasy «Aqsaqaldar» alqasynyń tóraǵasy Jarylqasyn Áziretbergenov aqsaqal, Otyrar aýdanynyń ákimi Erlan Aıtahanov, aýdannyń qurmetti azamattary, oblystyq meshit naıb ımamdary, aýdandyq meshit ımamdary, aýdannyń aqsaqaldary, aýdandyq depýtattar, alys-jaqynnan kelgen aǵaıyndar, aýyl azamattary qatysty.

Naıb múftı Naýryzbaı qajy Taǵanuly quttyqtaý jyly lebizin bildirip: «Tarıhyn sonaý erteden shertetin, talaı san ǵasyrlyq aýmaly-tókpeli zamandardyń kýási bolǵan, talaı áýlıe babalarymyz jatqan kıeli de qut meken Otyrar óńiriniń turǵyndary Sizderge Bas múftı Serikbaı qajy Satybaldyuly hazrettiń ystyq sálemin jetkizemin»,- dep sálemin jetkizdi. Múftı hazrettiń arnaıy syılyǵy qasıetti Quran kitabyn meshitke tabys etti.

Ary qaraı sózdi Túrkistan qalasy «Aqsaqaldar» alqasynyń tóraǵasy Jarylqasyn Áziretbergenov aqsaqal jalǵap, batasyn berdi. Meshit salǵan kásipker Ǵanı Janádilulyna aǵalary at mingizdi.

Pіkіrler Kіrý