TÚRKISTANDA HALYQARALYQ KONFERENTsIIa BASTALDY (FOTO)
Búgin Túrkistan qalasynda Qazaqstan musylmandary dinı basqarmasynyń uıymdastyrýymen «Islam órkenıetiniń damýyna túrki halyqtarynyń qosqan úlesi» taqyrybynda halyqaralyq ǵylymı-tájirıbelik konferentsııa bastaldy.
Konferentsııa jumysyna Túrki memleketteri uıymynyń Bas hatshysy Baǵdat Ámireev, QR Aqparat jáne qoǵamdyq damý mınıstri Asqar Omarov, Túrkistan oblysynyń ákimi Ómirzaq Shókeev, Halyqaralyq Túrki akademııasynyń prezıdenti Darhan Qydyráli, Túrki memleketteri uıymy Aqsaqaldar keńesiniń múshesi Ikram Adyrbekuly, Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly, Túrkııa Respýblıkasy Din isteri basqarmasynyń basshysy, Bas múftı Álı Erbash, Kavkaz musylmandary basqarmasynyń tóraǵasy, Bas múftı Allashúkir Pasha-Zade, Qyrǵyzstan musylmandary dinı basqarmasynyń tóraǵasy, Bas múftı Zamır Rakıev, Ózbekstan musylmandary basqarmasynyń birinshi orynbasary Hamıtjan Ishmatbekov, QMDB Ǵulamalar keńesiniń, Aqsaqaldar keńesiniń músheleri, ǵalymdar men oblys bas ımamdary qatysýda.
Aıta ketsek, konferentsııany ótkizýdegi maqsat – túrkitildes elderdiń ortaq muralaryn dáripteý, Ahmet Iasaýı babamyzdyń, sonymen qatar túrki dúnıesine ortaq Qorqyt ata, Iasaýı, Máýlána, Náýáýı, Manas muralaryn nasıhattaý, Matýrıdı senim mektebi men Ábý Hanıfa mázhabyn halyqqa jetkizý, dinı oqý-aǵartý salasy boıynsha birlesken jobalardy júzege asyrý, jahandyq syn-qaterge jaýap berýde musylman úmbetiniń ózara yntymaǵyn arttyrý, dinı merekelerdi bir kúnde atap ótý, ortaq pátýalar qabyldaý, destrýktıvti dinı aǵymdardyń teris úgit-nasıhat jumystaryna jol bermeý.
