Túrkistanda satýshysy joq dúken ashyldy

28 qarasha 2018 7248 0
Оqý rejımi

QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Túrkistan oblysy boıynsha departamentiniń uıymdastyrýymen Túrkistan oblysy boıynsha alǵashqy «Adaldyq dúkeni» ashyldy. Bul ıgi iske alǵashqy bolyp qoldaý bildirgen Túrkistan joǵary medıtsınalyq jáne Túrkistan gýmanıtarlyq-tehnıkalyq kolledjder boldy.

Bul bastama sybaılas jemqorlyqtyń aldyn alý maqsatynda Agenttik tarapynan júzege asyrylǵan Jobalardyń biri. Jobanyń basty maqsaty - qoǵamda senim atmosferasyn birtindep qurý jáne jastarǵa ózin jaqsy, adal azamat retinde anyqtaýǵa múmkindik berý.

Dúkende oqytýshylar men stýdentter ózderine qajetti zattardy alyp, alǵan taýary úshin aqshany kassalyq jáshikke salyp esep aıyrysady. Iaǵnı, dúkende satýshy bolmaıdy, zatty satyp alýshylar óz-ózderine qyzmet kórsetetin bolady.

Atalǵan is-shara jastardyń jaǵymdy moraldyq qasıetterin, onyń ishinde ishki parasattylyq pen adaldyqty tárbıeleýge jáne sybaılas jemqorlyqqa qarsy ımmýnıtetti qalyptastyrýǵa baǵyttalǵan.

Alǵashqy ashylǵan dúkenge stýdentter óz tańdanystaryn bildirip, senim bildirgen uıymdastyrýshylar men oqý oryndarynyń basshylaryna óz alǵystaryn bildirdi.

«Adaldyq dúkenderin» oblystyń barlyq joǵarǵy oqý oryndary men kolledjerinde ashý josparlanýda.

Pіkіrler Kіrý