TÚRKISTANDA TÚRKITILDES MEMLEKETTERDIŃ «MÚFTILER ALQASY» ÓTTI (FOTO)
Búgin Túrkistan qalasynda túrkitildes memleketterdiń «Múftıler alqasy» ótti.
Májiliske Qazaqstan musylmandary dinı basqarmasynyń tóraǵasy Naýryzbaı qajy Taǵanuly, Túrkııa Din isteri basqarmasynyń tóraǵasy, Bas múftı Álı Erbash, Kavkaz musylmandary basqarmasynyń tóraǵasy, Bas múftı Allashúkir Pasha-Zade, Ózbekstan musylmandary basqarmasy tóraǵasynyń birinshi orynbasary Hamıtjan Ishmatbekov qatysty.
«Múftıler alqasyn» ashqan Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly: «Allaǵa shúkir, qazir túrki memleketteriniń arasyndaǵy Ekonomıkalyq, áleýmettik, áriptestik baǵytyndaǵy baılanystar nyǵaıyp keledi. Endigi kezekte rýhanı baılanysty arttyrý asa mańyzdy baǵyttyń biri bolyp otyr. Búgingi tarıhı basqosýdyń ózi bizdiń aramyzdaǵy baýyrmaldyq baılanystyń artýyna úlken serpin beredi dep senemin», – dedi.
Basqosýda Bas múftıler túrki memleketteriniń rýhanı birligin nyǵaıtýdyń mańyzyn talqylady. Sonymen qatar túrkitildes elderdiń ortaq muralaryn dáripteý, Ahmet Iasaýı babamyzdyń, sonymen qatar túrki dúnıesine ortaq Qorqyt ata, Iasaýı, Máýlána, Náýáýı, Manas muralaryn nasıhattaý, Matýrıdı senim mektebi men Ábý Hanıfa mázhabyn halyqqa jetkizý, dinı oqý-aǵartý salasy boıynsha birlesken jobalardy júzege asyrý, jahandyq syn-qaterge jaýap berýde musylman úmbetiniń ózara yntymaǵyn arttyrý, dinı merekelerdi bir kúnde atap ótý, ortaq pátýalar qabyldaý, destrýktıvti dinı aǵymdardyń teris úgit-nasıhatyna jol bermeý jumystary boıynsha ortaq kelisimge keldi.
