Túrkistandaǵy eki aýdannyń ımamy aýysty (FOTO)

Túrkistan oblysynda aýyl jáne aýdan ımamdarynyń buǵan deıin atqarǵan jumystary saralanyp, jan-jaqty taldaý júrgizilip, qyzmetinen bosatý usynylyp jatyr. Olardyń oryndaryna joǵary bilimdi mamandar tartylýda.

QMDB tóraǵasy, Bas múftı Serikbaı Orazdyń buıryǵymen Sozaq aýdanyna bas ımam bolyp Meırambek Abdiqulov taǵaıyndaldy.

Al, Maqtaaral aýdandyq "Abdýl Ákim" meshitinen Qýanysh Bımaǵambetov bas ımamdyqtan bosatylyp, ornyna Jetisaı aýdanynyń naıb ımamy ári zeket jetekshisi qyzmetterin qatar atqarǵan Baýyrjan Patashov jaıǵasty. Maqtaaraldyq jamaǵat Bas múftı Serikbaı Orazǵa rızashylyqtaryn bildirip, alǵystaryn jaýdyrdy.

Jańa ımamdardy Sozaq jáne Maqtaaral jurtshylyǵy qýana qarsy aldy. Ókil ımam Musabek Aqtamberdi jamaǵatqa QMDB tarapynan dástúrli dinimiz úshin ońtaılandyrý júrgizilip jatqanyn túsindirdi.