Túrkııa álemniń 83 elinen 452 gúlenshini qaıtaryp berýdi talap etti

Túrkııa memleketi álemniń 83 elinen Fethýlla Gýlen uıymyna qatysy bar dep joramaldanǵan 452 jandy ózderine qaıtaryp berýdi talap etip otyr. Bul jaıynda Túrkııa Syrtqy ister mınıstri Mevlıýt Chavýshoǵly málim etti.

«Túrkııa 83 memleketke FETO uıymyna qatysy bar dep tanylǵan 452 tulǵaǵa qatysty qujattar jóneltti. Osy tulǵalardyń bizge qaıtarylýyn talap etemiz», – delingen málimdemede.

Esterińizge sala keteıik, 2016 jyldyń shilde aıynda Túrkııa elinde áskerı-memlekettik tóńkeris jasaýǵa tyrysqandardyń basty uıymdastyrýshysy Fethýlla Gúlen dep tanyǵan bolatyn. Al, Gúlenniń ózi birneshe jyldan beri AQSh aýmaǵynda ómir súrip keledi.