Túrkııa: Konıadaǵy stýdenttermen kezdesý ótti
QMDB «Zeket jáne qaıyrymdylyq» qorynyń dırektory Maqsatbek Maqsotuly Túrkııada bilim alyp jatqan qazaq stýdentterimen kezdesti.
Dinı basqarmanyń osy eldegi ókili, «Talaba» qaýymdastyǵynyń jetekshisi Jandos Aıtbaı kezdesýge uıytqy bolyp, Konıa qalasynda bilim alyp jatqan stýdentterine arnaıy dastarqan jaıyldy. Rýhanı otyrys barysynda Maqsatbek Maqsotuly shákirtterge bilim alý jáne elge, qoǵamǵa paıdaly istermen aınalysý jáne qaıyrymdylyq jasaý jóninde nasıhat aıtty. Sondaı-aq suraq-jaýap uıymdastyrylyp, stýdentterge syılyq taratyldy.
Aıta keteıik, «Zeket jáne qaıyrymdylyq» qorynyń dırektory Maqsatbek Maqsotuly jýyrda Qazaqstan musylmandary dinı basqarmasynyń Túrkııa Respýblıkasyndaǵy ókildigi, «Talaba» qaýymdastyǵy men «Halyqaralyq zaǵıptarǵa arnalǵan Quran kyzmeti qaýymdastyǵy» birlesip Ystambul qalasynda «Kórý qabileti shekteýli jandarǵa arnalǵan dinı qyzmetterdi damytýda qoǵamdyq uıymdardyń yntymaqtastyǵy men róli» taqyrybynda uıymdastyrǵan eki kúndik semınarǵa qatysqan bolatyn.
