Túrkııa múftıi konferentsııada baıandama jasady (FOTO)
Elordada Qazaqstan musylmandary dinı basqarmasynyń uıymdastyrýymen el táýelsizdiginiń 30 jyldyq mereıtoıyna oraı ótip jatqan «Táýelsiz Qazaqstan jáne Islam qundylyqtary» taqyrybyndaǵy halyqaralyq ǵylymı-tájirıbelik konferentsııada Túrkııa Din isteri basqarmasynyń basshysy, professor Alı Erbash onlaın qatysyp, baıandama jasady.
Qazaq elin táýelsizdiktiń otyz jyldyǵymen quttyqtaǵan Alı Erbash konferentsııaǵa qatysýshylarǵa sáttilik tilep:
«Biz – bir dinniń, bir tildiń, bir tarıhtyń jáne bir geografııalyq aýmaqtyń halqymyz. Biz – adamzat tarıhynyń damýyna úles qosqan ǵulamalardyń urpaǵymyz. Ádilet pen meıirimdilikti tý etken babalardyń izin jalǵastyrýshylarmyz. Qazaqstan degen kıeli mekende ál-Farabı, Qoja Ahmet Iasaýı sekildi túrki halqyna ortaq uly tulǵalar ómir súrgen. Bul uly esimder tek qazaq halqyn emes, kúlli musylman álemin qýattap keledi. Qazaqstan jeri – tek túrki jurtynyń atamekeni ǵana emes, sonymen qatar dostyq pen turaqtylyqtyń mekeni.
Halyqtyń birligi men bolashaǵynyń nyq bolýy onyń rýhanı qundylyqtaryna tikeleı baılanysty. Ol qundylyqtarǵa senim, til, mádenıet jáne tarıh jatady. Tarıhqa úńiletin bolsaq, dinin joǵaltqan ult – baryn joǵaltady, tilin joǵaltqan ult – bolmysyn joǵaltady, mádenıeti men tarıhyn umytqan ult – jerin joǵaltady. El mereıi ústem bolyp, egemendikterińiz jasaı bersin!» – dedi.
