Túrkııa: QMDB ókili sý tasqynynan zardap shekkenderge duǵa jasady

Qazaqstan musylmandary dinı basqarmasynyń Túrkııa Respýblıkasyndaǵy ókili Abdýrashıd Qarabaev Qojaeli qalasyna barǵan saparynda elimizde sý tasqynynan zardap shekken otandastarymyz úshin aýyzashar ýaqytynda arnaıy duǵa jasady.  

Sapar barysynda Abdýrashıt Qarabaev Ihtısas Dinı akademııasynyń prezıdenti, dots.dr. Enver Osman Kaan myrzamen jáne Qojaeli Dinı akademııasynyń dırektory Shenol Tırıakımen kezdesti. Kezdesý barysynda «Talaba» qaýymdastyǵynyń jetekshisi Abdýrashıd Qarabaev Bas mýftı Naýryzbaı qajy Taǵanulynyń  sálemin jetkize otyryp, Ramazan aıymen quttyqtap, bilim berý salasyndaǵy yntymaqtastyqty odan ári nyǵaıtý máselesin sóz etti. Abdýrashıt Zııadınuly Qazaqstandyq dinı bilim alýshylarǵa jan-jaqty qoldaý kórsetken Túrkııa memleketine óz rızashylyǵyn bildirdi. E.O.Kaan myrza Qazaqstandaǵy sý tasqynynan zardap shekken qandas baýyrlarǵa Alladan jeńildik tilep, shynaıy yqylasyn bildirdi.

Shara sońynda «Talaba» qaýymdastyǵynyń atynan qazaqstandyq 40-tan astam stýdentke aýyzashar dastarqany jaıyldy.

​