TÚRKIIa: «TALABA» MÚShELERINE ARNALǴAN SEMINAR ÓTTI (FOTO)
Qazaqstan musylmandary dinı basqarmasynyń Túrkııa Respýblıkasyndaǵy ókildigi «Zeket jáne qaıyrymdylyq» qorynyń qoldaýymen Ankara qalasynda óńirlerdegi «Talaba» qaýymdastyǵynyń múshelerine arnaıy semınar uıymdastyrdy.
Shara Ankara Áleýmettik ǵylymdar ýnıversıtetiniń Islamı ǵylymdar fakýltetinde ótti. Semınarda professor, doktor Mehmet Halıl Chıchek «Máýrennahyrdyń Islam álemindegi orny» jaıly dáris oqydy.
Túrkııa Din Isteri Basqarmasy Ǵulamalar keńesiniń múshesi doktor Fatıh Mehmet Aıdyn «Pátýa berý júıesi» jaıly sóz qozǵady. Sondaı-aq fakýltettiń aǵa oqytýshysy doktor Ozat Shámshıev «Islam Ekonmıkasy jáne Islamdyq bank júıesi» taqyrybynda dáris oqydy.
Budan keıin Dinı basqarmanyń Túrkııa Respýblıkasyndaǵy ókili, «Talaba» qaýymdastyǵynyń jetekshisi Jandos Aıtbaı Bas Múftı Naýryzbaı qajy Taǵanulynyń ystyq sálemin jetkizip, qatysýshylarǵa alǵysyn bildirdi. Sonymen qatar Túrkııada bolǵan zilzala apaty kezinde tanytqan belsendiligi úshin «Talaba» qaýymdastyǵynyń múshelerine «Zeket jáne qaıyrymdylyq» qory basshylyǵy atynan alǵys hat tabystaldy.
Shara sońynda qatysýshylarǵa aýyzashar dastarqany jaıylyp, óz kezeginde qatysýshylar uıymdastyrýshylarǵa alǵystaryn bildirdi.
