Túrkııadaǵy «Talaba» qaýymdastyǵynyń jaýapty ókili taǵaıyndaldy (FOTO)
Túrkııa Respýblıkasyna resmı saparmen kelgen QMDB Tóraǵasy, Bas múftı Naýryzbaı qajy Taǵanuly Ankarada Dinı basqarmanyń Túrkııadaǵy ókili jáne «Talaba» stýdentter qaýymdastyǵynyń osy eldegi jetekshisi etip Jandos Aıtbaevty taǵaıyndady.
Bas múftı turaqty ókildi Qazaqstannyń Túrkııadaǵy Tótenshe jáne Ókiletti Elshisi Abzal Saparbekulyna arnaıy tanystyryp, buǵan deıin osy qyzmette bolǵan Tilepbergen Jákıevke alǵysyn bildirdi. Qazirgi tańda jańadan taǵaıyndalǵan Jandos Aıtbaev doktarantýrada bilim alýda. Bas múftı óz kezeginde jaýapty ókilmen Elshilik arasyndaǵy baılanysty nyǵaıtýǵa qatysty óz usynysyn jetkizgen bolatyn. Abzal Saparbekuly QMDB Tóraǵasynyń usynysyn qabyl alyp, qoldaýǵa daıar ekenin aıtty.
Eske salaıyq, 2018 jyly Túrkııadaǵy «Hasekı» akademııasyna qazaqstandyq 8 shákirt qabyldanyp, onyń 7-ýi oqýyn támamdady. Al 2019 jyly 18 shákirt qabyldanǵan. Byltyr pandemııaǵa baılanysty shákirt qabyldanbady. Sondaı-aq bıylǵy jyly Hasekıge elimizden 19 shákirt qabyldandy. Óıtkeni byltyrǵy pandemııaǵa baılanysty oqýǵa túsý múmkindigi bolmaǵan edi. Osylaısha 2020-2021 jyldardy qosa otyryp 49 stýdent Hasekı qabyrǵasynda bilim alýda.
Qazirgi tańda QMDB janynan qurylǵan «Talaba» qaýymdastyǵynyń Saýd Arabııasynda, Mysyrda arnaıy jaýapty ókilderi jumys isteıdi.
