«ÝAQYP» QORYNYŃ BASTAMASYMEN DINI OQÝ ORNYNA QOLDAÝ KÓRSETILDI (FOTO)
QMDB «Ýaqyp» qorynyń dinı oqý oryndaryn qoldaý bastamasyna oraı, Astana qalasy ókildigi men «Aq meshit» meshitiniń ujymy 1 qyrkúıek – Bilim kúnine oraı, «Astana» medrese kolledjinde qyzmet etetin ustazdardyń ul-qyzdaryna mektep sómkeleri men oqý quraldaryn tabystap, jańa oqý jylynyń bastalýymen quttyqtady.
Bul is-shara bilimge degen qurmetti arttyrý, jas jetkinshekterdiń oqýyna ynta men qyzyǵýshylyq oıatý, sondaı-aq ustazdar men olardyń otbasylaryna qoldaý kórsetý maqsatynda uıymdastyryldy.
«Alla Taǵala demeýshi jandardyń árbir saýapty amalyn qabyl etip, shákirtterdiń ilimine bereke bersin, jas jetkinshekterdiń bolashaǵyna nur jaýdyrsyn. Jaqsylyqqa jarysatyndar kóbeıe bersin, qoǵamymyzdaǵy izgilik pen meıirimdilik árdaıym ústem bolǵaı!», – dep tilek bildirdi uıymdastyrýshylar.
