ULT USTAZY HÁM ULAǴATTY IS

Búgin, 5 qyrkúıek – aǵartýshy-ǵalym, ult ustazy Ahmet Baıtursynulynyń dúnıe esigin ashqan kún. 

Ahmet Baıtursynuly ulttyq ıdeıanyń shyraqshysy, azattyq rýhynyń qońyraýy bolǵan «Qazaq» gazetine jazǵan maqalasynda: «Biz áýeli eldi túzetýdi bala oqytý isin túzetýden bastaýymyz kerek. Nege desek, bolystyq ta, bılik te, halyqtyq ta oqýmen túzeledi... Qazaq ishindegi neshe túrli kemshiliktiń kóbi túzelgende, oqý isimen túzeledi.

Balam degen jurty bolmasa, jurtym deıtin bala qaıdan shyqsyn. Balany ulsha tárbıeleseń, ul bolmaqshy. Qulsha tárbıeleseń, qul bolmaqshy. Moıyndaǵy boryshty bilý – bilim isi, boryshty tóleý – adamshylyq isi» deıdi.

Alla Taǵala ul-qyzdarymyzdy sanaly, tárbıeli etip ósirýdi jazǵaı. Ult úshin janyn pıda etip, halyqty aǵartý isinde aıanbaı eńbek etken arysymyz – Ahmet Baıtursynuly babamyzdyń aldy jaryq, meken jaıy jumaq bolǵaı.

Ult ustazynyń týǵan ólkesi Aqkól aýylynda meshit salynýda. Alla qalasa sol jańa meshitke Ahmet Baıtursynulynyń esimi beriledi. Jaratýshy Iemiz barshamyzǵa jańa meshittiń ashylýyna kýá bolýdy násip etkeı. Ámın!

 Naýryzbaı qajy TAǴANULY,
QMDB Tóraǵasy, Bas múftı