ULTTYQ AKKREDITTEÝ ORTALYǴYMEN BIRLESKEN JIYN ÓTTI
Qazaqstan musylmandary dinı basqarmasynda Ulttyq akkredıtteý ortalyǵy basshylarymen jıyn ótti.
QMDB Tóraǵasynyń orynbasary, naıb múftı Ershat Aǵybaıulynyń tóraǵalyǵymen ótkizilgen jıynǵa UAO bas dırektorynyń orynbasary Abdýsamat Ákimov, «Halal Damý» mekemesiniń dırektory Aıbek Asqarbekuly, zańgerler, mekeme qyzmetkerleri qatysty.
Aldaǵy ýaqyttaǵy akkredıtteý máseleleri, standarttaý jáne sertıfıkattaý salasynda «Halal Damýdyń» bolashaǵy, dinı basqarmanyń akkredıtteý máselesindegi róli sekildi máseleler talqylandy. Eki jaqty kezdesý barysynda «Halal Damýdy» memleket tarapynan akkredıtteý úshin birlese atqarylatyn jumystar barysy qaraldy.
«Joǵaryda atalǵan barlyq máseleler odan ári tıimdi sheshimderin tabatynyna senimim mol. Bul óz kezeginde sáıkestikti baǵalaýdyń jańa baǵyttaryn damytýǵa, ónerkásip pen jalpy halal ındýstrııasyn damytýǵa oń yqpal etedi», – degen Ershat Aǵybaıuly ekijaqty baılanysty odan ári nyǵaıtýǵa, birlese qyzmet atqarýǵa shaqyrdy.
