USTAZDYQ – ULY IS

Naýryzbaı qajy TAǴANULY,

QMDB Tóraǵasy, Bas múftı 

Qurmetti Nur-Múbárak ýnıversıtetiniń, medrese-kolledjderdiń, qarılar ortalyǵynyń ustazdary! Sizderdi búgingi ustazdar kúnimen shyn júrekten quttyqtaımyn! Alla Taǵala ustazdyq jolyndaǵy eńbekterińizge mol saýaptan jazǵaı. Otbasylaryńyzǵa amandyq, myqty densaýlyq, ıgi isterińizge bereke tileımin.   

Barlyq adam ustazdyń tálimin alady. Adamdy bilimge baýlýmen qatar izgilikke úndep, tálim-tárbıe berýde ustazdyń orny erekshe. Sondyqtan bizdiń ustazdarymyz shákirt tárbıeleýde tabandy, yjdaǵatty bolýǵa tıis. Hakim Abaıdyń:

«Aqyryn júrip, anyq bas,

Eńbegiń ketpes dalaǵa.

Ustazdyq qylǵan jalyqpas,

Úıretýden balaǵa» degen óleńinde úlken mán jatyr.

Asyl dinimizde ilim-bilim úırenýge basa mán berilgen. Ardaqty Paıǵambarymyzǵa (oǵan Allanyń salaýaty men sálemi bolsyn) túsken alǵashqy aıat: «Oqy! Seni jaratqan Rabbyńnyń atymen oqy» dep baıandalǵan. Hadısterdiń birinde: «Bilimdi talap etý – árbir musylmanǵa paryz» delingen. Alla Taǵala barshamyzǵa paıdaly bilim násip etip, elimizdiń órkendeý jolynda aıanbaı qyzmet ete berýdi jazǵaı. Ámın!

Источник: Aidos