Saıys tizginin ustaǵan tanymal telejúrgizýshi Beısen Quranbek nárli, árli sózderimen kórermenniń qyzyǵýshylyǵyn oıatyp, sporttyq sharanyń ajaryn asha tústi.
Aıtysker aqyn Amanjol Áltaev qazaqtyń qara óleńimen palýandarǵa dem berip, úmitkerlerdiń namysyn qaırap, jigerin janıtyn arnaý aıtty.
Sonymen birge, elimizdiń abyroıyn halyqaralyq deńgeıde asqaqtatyp júrgen «Ulytaý» toby is-shara barysynda kórermender kóńilin kúımen áldılep, halyqtyq áýenmen árledi.
Óz ónerimen halyqtyń yqylasyna bólenip, otandyq mádenıettiń damýyna úles qosyp júrgen óner juldyzdary Qaırat Nurtas pen Qýandyq Raqym jınalǵan qaýymdy patrıottyq ánderimen bir serpiltip tastady.
Al, dástúrli ánshi Erbolat Shalabekov qazaqtyń halyq áninen shashý shashyp, kórermenge merekelik kóńil-kúı syılasa, «Naz» bı toby batyrlar bıimen sharaǵa kórik berdi.
Sondaı-aq, elimizge tanymal chempıondar men palýandardyń dodaǵa bir kisideı qatysýy saıystyń kórigin qyzdyra tústi.
Osylaısha, ánmen árlenip, kúımen kómkerilgen búgingi sporttyq-qaıyrymdylyq sharasy Astana qalasynyń 20 jyldyǵyna tartylǵan syı boldy.
