«YRYSKELDI QAJY» MEShITINDE JAMAǴATQA «QAJYNYŃ RÝHANI KELBETI» QUJATY TANYSTYRYLDY (FOTO)
Bas múftı Naýryzbaı qajy Taǵanulynyń baǵdarlyq baıandamasy negizinde «Imam – izgi qoǵam jarshysy» V Respýblıkalyq ımamdar forýmynda qabyldanǵan qujattar tiziminde «Qajynyń rýhanı kelbeti» tuǵyrnamalyq qujaty bolǵan edi. Qajylarmen árdaıym tyǵyz baılanysta bolyp, olarmen nátıjeli jumys isteý úshin bul qujat mańyzdy oryn alady.
Osyǵan oraı «Qajynyń rýhanı kelbeti» tuǵyrnamalyq qujatyn nasıhattaý maqsatynda «Yryskeldi qajy» meshitinde besin namazynan keıin jamaǵatqa qajylyq pen ýmra rásimderi týraly ýaǵyz aıtylyp, tuǵyrnamalyq qujat tanystyryldy.
Jamaǵatqa qujattyń negizgi maqsaty bes paryzdyń biri qajylyq qulshylyǵyn ótep kelgen otandastarymyzdy qoǵamda kórkem minezimen, ónegeli isterimen úlgi kórsetýge jáne qajy degen qurmetke laıyqty bolýǵa shaqyrý ekenin jetkizdi. Sonymen qatar, tuǵyrnamada kóterilgen máseleler, qajylyqqa jáne qajylarǵa qoıylatyn talaptar, búgingi kúnde túıitkildi bolyp otyrǵan máseleler men olardyń sheshimi týraly aıtyldy. Qajylyqqa baratyn jamaǵatqa qajylyq mádenıeti jáne ony saqtaý týraly keńinen túsindirildi.
