«Yryskeldi qajy» meshitiniń shákirtteri oqý jylyn támamdady (FOTO)
Ashylǵanyna az bolsa da Nur-Sultan qalasyndaǵy «Yryskeldi qajy» meshiti elimizdiń rýhanııatyna eleýli úles qosyp keledi. Bul sózimizdiń dálelindeı, búgin qulshylyq ordasyndaǵy Dinı saýat ashý kýrsy óz baǵdarlamasyn aıaqtap, 40-tan astam shákirtke arnaıy sertıfıkat tabystaldy. Saltanatty sharaǵa respýblıkalyq «Áziret Sultan» meshitiniń naıb ımamy Baqytjan Ótkelbaev, «Astana» medrese-kolledjiniń ustazy Álı Abdýsamıǵ qatysyp, shákirtterge quttyqtaý lebizderin bildirdi.
Saltanatty shara barysynda meshittiń bas ımamy Iahııa qajy Abdollauly shákirtterge jemisti ilim berip, ustazdyq qyzmetin abyroımen atqaryp kele jatqan áriptesterine alǵysyn bildirdi. Aıta keteıik, Dinı saýat ashý kýrsy meshit ashyla salysymen jolǵa qoıylyp, bastalyp ketken bolatyn. Saýat ashý sabaqtaryn sol kezden bastap úzbeı alyp kele jatqan 20 shákirtke búgin soǵan oraı II dárejeli sertıfıkat berildi.
